Tuesday 31 May 2011

سلفيو كوستا


بما ان السلفيين دايما يتقال انهم وراء اي مشكلة حصلت، عملت مجموعة من الشباب السلفي جروب اسمه (صدقني) سلفيو كوستا، على اسم الكافيه اللي بيتقابلوا فيه (احسن بكتير من، مثلا سلفيو فرايدايز، سلفيو زيزو نتانه/عبده تلوث، سلفيو موري سوشي و غيرها) و بيقولو انهم سموا نفسهم برضو بالاسم ده عشان "هما اللي دايما بيحاسبوا على المشاريب" (يعني بيتدبسوا في الآخر في كل حاجة، سواء عملوها ولا ما عملوهاش)ـ

يعني السلفيين بيروحوا كوستا اهو و الدنيا تمام

:)

ملحوظة: شارك بعض الشباب السلفي في مظاهرة الجمعة الماضية، ٢٧ مايو، على عكس ما اشيع عن المقاطعة الكاملة منهم للمظاهرة. و التقيت في الفترة الماضية بعدد من الشباب السلفي الذي كان شديد الاحترام و التفتح. بينما هم اكدوا انم يفضلون اسلوب حياة اقرب لما كان في فترة الرسول (ص) الا انهم ليسوا كقاعدة عامة بالصورة الاعلامية المعروفة التي تصورهم و كأنهم يكفرون الجميع و يريدون العنف في المجتمع و اضطهاد الغير. لابد من مناقشة قضية التطرف الديني بهدوء دون استعداء مجموعة كاملة من المصريين فيها مثل ما فينا كلنا، الجيد و السيء.

ملحوظة ٢: مش لابوار يكون احسن عشان اللوجو كله اخضر؟ بهزر. بلاش ققش.

ربنا بيبارك في البلد دي و كل الناس اللي فيها و كل بني آدم يعيش فيها بحرية.

الجروب: http://www.facebook.com/home.php?sk=group_198004166905330

الخبر بالتفصيل: http://www.shorouknews.com/ContentData.aspx?id=465656

No comments:

Post a Comment