تعليق سريع بالعامية
كان ممكن بيان الجيش يبقى مكتوب احسن من كده بكتير، بس الواقع انه انا متفق ان الجيش كان لازم يبقى مش موجود النهارده في التحرير. السبب الرئيسي لخروج عدد مش بسيط من الناس للمظاهرات، من بين اسباب اخرى، هو تقارير عن عنف من قبل الجيش و اعتقالات غيز مبررة و مشكلة المحاكمات العسكرية للمدنيين، اي كان صحتها. الواقع انه لو كان حصل النهارده اي احتكاك بين المتظاهرين و الجيش كانت هتبقى النتيجة كارثية على الكل. و ده كان ممكن يحصل بمليون طريقة، سواء عن طريق المتظاهرين المتحمسين زيادة عن اللزوم (واخوانا دول موجودين زي ما كلنا عارفين)، سواء عن طريق جندي اساء التصرف اواي طريقة تانية، بما فيها امكانية اعمال استفزازية متعمدة من قبل افراد ترتدي زي عسكري و لكنها ليست من الجي، سواد كانت عناصر داخلية تماما او عناصر داخلية تم دفعها لاحداث عملية ارباك للشأن الداخلي لمصر و اضعاف لبريق الثورة حتى لا تكون الفكرة بنفس قدر جاذبيتها الحالية في الدول العربية الاخرى ذات انظمة سلطوية عنيفة.ـ
و انا عارف ان آخر جملة دي شكلها و كأن تامر من غمرة كاتبها.ـ
من الآخر، البيان كتابته سيئه و المجلس لابد ان يعيد تقييم ادائه و ان يصلح اخطاء كتيره، لا جدال في ده. بس انا بتكلم عن البيان و عن ابتعاد الجيش عن التحرير النهارده و مطالبته لينا بالقيام بالاعمال التنظيمية اللي عملناها وقت الثورة، و انا شايف ان هذا التصرف كان سليم، و ان لم ينفذ بالصورة المثلى و لم يتم شرحه بالصورة المثلى وهو يأتي في وقت فيه قلق عند البعض من اسلوب تعامل الجيش مع العديد من القضايا.ـ
مش كل حاجة يا ابيض يا اسود.ـ
No comments:
Post a Comment